बाजुरा: बाजुरामा भालुको आक्रमणबाट ३० बाख्रा मरेका छन् ।
बाजुराको हिमाली गाउँपालिका वडा न.१ टिनका वीरबहादुर बोहराका ३० बाख्रा भालुको आक्रमणमा परि मरेका छन् । बिहीबार दिउँसो गैरी पाटनको जंगलमा चरिरहेको वेला जंगली भालुले आक्रमण गरी मारेको हो । आक्रमणबाट २५ बाख्रा ठहरै रहेका छन् भने पाँच बाख्रा पनि सिकिस्त रहेको विच्छ्या प्रहरी चौकीबाट धनसिंह धामीले जानकारी दिएका छन् ।
पहिले दुई बाख्रा चड्कनी हानेर बाखाका आँखा झिकेर खाएको र पछि २८ बाख्रालाई सोही भालुले चड्कन हान्दै मारिफालेको स्थानीय दलवीर बोहराले बताए । भालु पीडित बोहराले भने आयस्रोतको प्रमुख माध्यम बाख्रा नै थिए ,वर्षौँ लगाएर पालेका बाख्राको बथानलाई एक दिनमै भालुले स्वाहा गरिदिएपछि गोठ रित्तियो। घनघोर जङ्गलमा चरिरहेका बाख्रामाथि भालु जाइलाग्दा व्यवसायबाट विमुख बनाएको उहाँको दुःखेसो छ।
गत वर्षपनि हिमाली गाउँपालिका एक नातिखोलाका दुई परिवारका एक सय बढी भेडाबाख्रा भालु आक्रमणबाट मारेका थिए ।
प्रतिक्रिया दनुहोस्