बैतडीमा आफ्नै बाजेको कुटपिटबाट एक बालकको मुत्यु

बैतडी: बैतडीमा आफ्नै बाजेको कुटपिटबाट एक बालकको मुत्यु भएको छ ।

पुर्चौडी नगरपालिका– ६ मुडेलीधारमा बिहीबार बाजेको कुटपिटबाट दीपक साउदका २ वर्षीय छोरा रेसम साउदको मुत्य भएको हो भने अर्का ८ वर्षीय छोरा रिजन साउद गम्भीर घाइते भएका हुन् ।

बाजेको कुटपिटबाट गम्भीर घाइते भएका दुई बालकहरूमध्ये रेसमको बिहिबार राती मृत्य भएको र अर्का घाइते रिजन साउदलाई डडेलधुरामा उपचार हुन नसकेपछि बिहिबार राती नै धनगढी रेफर गरिएको छ । उनको धनगढीस्थित नवजीवन अस्पतालमा उपचार भइरहेको जिल्ला प्रहरी कार्यालय बैतडीले जनाएको छ ।

हेरचाह गर्न सँग छोडेर आमा र बजै घाँस काट्न गएको बेलामा साउदले नातिहरूलाई निर्घात कुटपिट गरेका थिए । आरोपित ५० वर्षीय गणेश साउदको मानसिक अवस्था ठिक नभएको बुझिएको छ । कुटपिट गर्ने (बाजे) गणेश साउदलाई नियन्त्रणमा लिएर इलाका प्रहरी कार्यालय, पाटनमा राखेर अनुसन्धान भइरहेको प्रहरीले बताइएको छ ।