यूएईविरुद्ध नेपाललाई पहिलो सफलता, दोस्रो बलमै करणले लिए विकेट

जिम्बाब्बेमा जारी आईसीसी विश्वकप छनोट(२०२३ को प्लेअफमा यूएईविरुद्ध नेपालले पहिलो सफलता हात पारेको छ ।

टस हारेर पहिले ब्याटिङ गरिरहेको यूएईले पहिलो विकेट गुमाएको छ । नेपालका करण केसीले पहिलो ओभरको दोस्रो बलमै यूएईको विकेट लिएका हुन् । ०.२ ओभरमा करणले आसिफ खानलाई शून्य रनमै पभिलियन फर्काएका हुन् ।

हरारेको टाकासिंगा स्पोर्ट्स क्लबको मैदानमा नेपालले टस जितेर सुरुमा यूएईविरुद्ध बलिङ रोजेको हो । नेपालले बलिङ रोजेपछि यूएईले सुरुमा ब्याटिङको निम्तो पाएको हो ।नेपाल र यूएईबीचको विजेताले सातौँ स्थानका लागि आयरल्यान्डसँग प्रतिस्पर्धा गर्नेछ ।

यसअघि गत शुक्रबार भएको पहिलो प्लेअफमा अमेरिकालाई आयरल्यान्डले पराजित गरेको थियो ।