धनगढी । धनगढी उपमहानगरपालिकाले अपाङ्गता भएका व्यक्तिलाई सहायता सामाग्री हस्तान्तरण गरेको छ । सोमबार एक विशेष कार्यक्रमकाबीच उपमहानगरपालिकाले उक्त सामाग्री हस्तान्तरण गरेको हो ।
उपमहानगरपालिकाको आर्थिक सहयोग र नेपाल राष्ट्रिय समाज कल्याण संघको प्राविधिक सहयोगमा धनगढी उपमहानगरपालिकाका विभिन्न वडाका अपाङ्गता भएका व्यक्तिलाई सहायता सामाग्री सहयोग गरिएको हो ।
जसअन्तर्गत उपमहानगरपालिकाको अपाङ्ग जाँच कक्षबाट ४० जनालाई १६ वटा ह्विल चियर, ३ वटा ट्राईसाईकिल, ४ जनलाई कृतिम खुट्टा, १ जनालाई कृतिम हात, ४ जनालाई अर्थैसिस, रोटेलर १ जनालाई, ईल्बो क्रच ४ थान र ४ थान वाकर स्टिक वितरण गरिएको उपमहानगरपालिकाले जनाएको छ ।
त्यस्तै वडा नम्बर ९, १० र १२ को वडा नम्बर १२ स्थित आधारभूत स्वास्थ्य कार्यालय प्राङगणबाट ११ थान ह्विलचियर, ४ थान ट्राईसाईकिल, रोटेलर एक थान, १ थान वाकर स्टिक र घुँडा सपोर्ट १ थान वितरण गरिएको छ ।
महानगरबाट उक्त सामाग्री पाएपछि अपाङ्गता भएका व्यक्तिहरु खुसी भएका छन् । सामाग्री लिँदै उनीहरुले नगरप्रमुख गोपाल हमाललाई धन्यवाद समेत दिएका छन् ।
प्रतिक्रिया दिनुहोस्