धनगढी । कैलालीको गेटामा विश्वविद्यालय स्थापना गर्नुपर्ने माग गर्दै थाल ठटाएर प्रदर्शन गरिने भएको छ ।
गेटामा सहिद दशरथचन्द स्वास्थ्य विज्ञान विश्वविद्यालय स्थापना गर्न माग गर्दै बिहीबार दिउँसो ३ बजे प्रदेशसभा अघि थाल ठटाएर प्रदर्शन गरिने भएको हो । विश्वविद्यालय स्थापना गर्नुपर्ने माग गर्दै थालिएको चरणबद्ध कार्यक्रम अन्तर्गत भोली थाल ठटाएर प्रदर्शन गरिने संघर्ष समितिका सह–संयोजक आनन्द भट्टले जानकारी दिएका छन् ।
सरकारले आगामी आर्थिक वर्षको बजेटमार्फत गेटामा स्वास्थ्य विज्ञान प्रतिष्ठान सञ्चालन गर्ने घोषणा गरेसँगै पछिल्लो १५ दिनदेखि सुदूरपश्चिमेलीवासी आन्दोलनरत छन् ।
सोही अन्तर्गत बुधबार धनगढीमा आगामी दिनमा आन्दोलनलाई थप सशक्त र प्रभावकारी कसरी बनाउने भन्ने विषयमा सुझाव संकलनसमेत गरिएको छ ।
प्रतिक्रिया दिनुहोस्