विद्युत् सर्ट भएर घरमा आगो लाग्दा २ लाखको क्षती

कञ्चनपुर । कञ्चनपुरमा एक घरमा आगलागी हुँदा २ लाख बराबरको क्षती भएको छ । जिल्लाको भीमदत्त नगरपालिका १८ आशिष टोलका कलावती सिंहको २ कोठे कच्ची घरमा आगलागी भएको हो ।

मंगलबार भएको उक्त आगलागीबाट २ लाख मूल्य बराबरको क्षती भएको प्रदेश प्रहरी कार्यालय धनगढीले जनाएको छ । प्रहरीका अनुसार उक्त घरमा भएको चामल, दाल, पिठो, लत्ताकपडा, टिभी, खटिया, भाडाकुडासँगै कागजपत्रसमेत जलेर नष्ट भएको छ ।

विद्युत्त सर्ट हुँदा घरमा आगलागी भएको प्रहरीको भनाई रहेको छ । मंगलबार दिउँसो लागेको आगो प्रहरी र स्थानीयको सहयोगमा नियन्त्रण लिइएको थियो ।