काठमाडौं। मेडिकल व्यवसायी दुर्गा प्रसाईंसँग रास्वपाका सांसद डा. ढाकाकुमार श्रेष्ठले दुई करोड माग गरेको अडियो प्रकरण सम्वन्धमा राष्ट्रिय स्वतन्त्र पार्टी (रास्वपा) ले आज (बुधवार) निर्णय लिने भएको छ ।
प्रसाईं र डा. श्रेष्ठबीेचको अडियो आइतवार सार्वजनिक भएको थियो । चौतर्फी आलोचना भएपछि रास्वपाले घटना सम्वन्धमा छानविन गर्न पार्टीको अनुशासन आयोगलाई निर्देशन दिएको थियो । आयोगले मंगलवार नै प्रतिवेदन पेश गरेको छ । प्रतिवेदनमा निर्णय लिन रास्वपाले बुधवार दिउँसो २ बजे बैठक बोलाएको छ । बैठक पार्टी कार्यालय बसुन्धरामा बस्नेछ ।
डा.श्रेष्ठले र प्रसाईंसँग दुई करोड रुपैयाँ माग गरिएको सार्वजनिक भएको दुई दिनपछि पुनः अर्को अडियो सार्वजनिक भएको थियो । पछिल्लो अडियोको प्रसंग पनि प्रसाईं र श्रेष्ठसँगै जोडिएको छ । अडियोमा प्रसाईं र डा. श्रेष्ठको भाई भनि परिचय दिने व्यक्तिबीचको संवाद सुनिन्छ । संवादमा आफुलाई डा. श्रेष्ठको भाई भन्ने व्यक्तिले प्रसाईं सांसद पद गएको र पार्टीले साधरण सदस्यताबाट समेत हटाउन लागेको भनेका छन् ।
प्रतिक्रिया दिनुहोस्