काठमाडौँ – काठमाडौँ क्षेत्र नं. ९ का स्वतन्त्र उम्मेदवार डा. ज्ञान बस्नेतले नेकपा एमालेका अध्यक्ष केपी शर्मा ओलीलाई लाइभ डिवेटमा आउन चुनौती दिएका छन् ।
एमाले अध्यक्ष ओलीले प्रधानमन्त्री समेत रहेका नेपाली काँग्रेसका सभापति शेरबहादुर देउवालाई चुनावी एजेण्डाको विषयमा ‘लाईभ डिवेट’मा आउन भनेपछि डा. बस्नेतले यस्तो प्रतिक्रिया दिएका हुन् । ‘डिवेट र बहस गर्ने त्यत्रो रहर नै भए पूर्व प्रधानमन्त्री ओलीले अब देउवा सँग हैन, हामी स्वतन्त्र उम्मेदवारहरुसँग ‘लाईभ डिवेट गर्नुपर्छ ।’ डा. बस्नेतले भने, ‘देउवाले पनि त्यहि गरुन्, काठमाडौँ क्षेत्र नं. ९ को स्वतन्त्र उम्मेदवारको हिसाबले म तयार छु ।’ डा. बस्नेतले ओलीलाई समय मिलाउन समेत आग्रह गरे । ‘समय मिलाउनुहोस्, डा. ज्ञान बस्नेत बहसको लागि तयार छु, बहस गर्न ओलीलाई चुनौती समेत दिन्छु ।’ डा. बस्नेतले भने ।
प्रतिक्रिया दिनुहोस्