दार्चुला प्रदेशसभा‘क’ मा काँग्रेसका धामी र एमालेका जोशीबीच प्रतिस्पर्धा हुने

काठमाडौँ – दार्चुला प्रदेशसभा‘क’ मा नेपाली काँग्रेसका नेता विक्रम धामी र नेकपा एमालेका नेता हरदेव जोशीबीच प्रतिस्पर्धा हुने भएको छ । एउटै निर्वाचन क्षेत्र भएको दार्चुलामा प्रदेशसभा‘क’ मा धामी र जोशीबीच प्रतिस्पर्धा हुने भएको हो । लेकम, मालिकार्जुन, महाकाली, दुँहू र ब्यास गरी जम्मा पाँच वटा पालिका रहेको यो क्षेत्रमा धामीलाई बलियो उम्मेदवारको रुपमा हेरिएको छ । धामी यस अघि प्रतिनिधिसभा सदस्यका उम्मेदवार भइसेकेका छन् । २०७४ सालको आम निर्वाचनमा एमालेका गणेसिंह ठगुन्ना सँग निर्वाचन हारेका धामी यसपटक भने प्रदेशमा चुनाव लड्न लागेका हुन् । २०७४ सालको निर्वाचनमा यस क्षेत्रबाट नेपाली काँग्रेसका मदन गिरीलाई पराजित गर्दै एमालेका गेल्बु बोहरा निर्वाचित भएका थिए ।