रास्वपा सांसद बोहराले गरे शारदा नदीको पानी छाड्न कूटनीतक पहलको माग

सत्तारुढ दल राष्ट्रिय स्वतन्त्र पार्टी (रास्वपा)का सांसद दीपक बोहोराले कञ्चनपुरको महाकाली सिँचाइ आयोजनाअन्तर्गत शारदा नदीको पानी छाड्न पहल गर्न माग गरेका छन् ।

बुधबारको प्रतिनिधिसभा बैठकमा उनले आयोजनाको काम ३० किलोमिटर सकिएको बताए । 

‘शारदा नदीको पानी दुईटै देशले प्रयोग गर्ने भनिएको छ । तर, भारतसँग कूटनीति पहल नहुँदा यहाँ पानी छोडिएको छैन । ४८ किलोमिटरको यो आयोजनामा करिब ३० किलोमिटर सम्पन्न भएको जानकारी गराउँदछु,’ उनले भने । 

यो पानी छाड्नका लागि परराष्ट्र मन्त्रालयमार्फत भारतसँग कूटनीतिक पहलका लागि ध्यानाकर्षण गराए । नहरको अन्त्य हुने कृष्णपुर–९ मा नहर चाहिन्छ–चाहिँदैन भन्नेमा सीमांकन गर्दा स्थानीयलाई नसोधिएको बताए । पालिकाले आवासीय क्षेत्र भनेको र स्थानीयले नहर चाहिँदैन भनिरहेको उनले बताए ।