तीनतले घरको छतबाट लडेका धनगढीका युवकको उपचारकै क्रममा निधन

धनगढी । धनगढी उपमहानगरपालिका–२ मिलनचोकका ३१ वर्षीय गोपाल साउदको घरको छतबाट खसेर मृत्यु भएको छ।

जिल्ला प्रहरी कार्यालय कैलालीका डीएसपी योगेन्द्र तिमिल्सिना का अनुसार आइतबार दिउँसो आफ्नै तीनतले घरको छतबाट खसेर गम्भीर घाइते भएका साउदलाई उपचारका लागि धनगढीस्थित माया मेट्रो अस्पताल लगिएको थियो।

उपचारका क्रममा आइतबार साँझ उनको मृत्यु भएको डीएसपी तिमिल्सिनाले जानकारी दिएका छन्। घटनाबारे थप अनुसन्धान भइरहेको प्रहरीले जनाएको छ।