संखुवासभाको चैनपुरमा आगलागी हुँदा १५ लाखको क्षति

संखुवासभाको चैनपुर नगरपालिका–१ याङसिजुङमा आगलागी हुँदा १५ लाख रुपैयाँ बराबरको धनमाल क्षति भएको छ । 

जिल्ला प्रहरी कार्यालयका प्रहरी निरीक्षक मेघराज अर्यालका अनुसार गएराति भएकाे आगलागीमा दिलप्रसाद लिम्बुको ३ तल्ले घर पूर्ण रूपमा जलेको हो । आगलागीबाट मानवीय क्षति भने भएको छैन । प्रहरी र स्थानीयको सहयोगमा चार घण्टापछि आगो निभाइएको थियो ।