धनगढी – नेपाली कांग्रेस कैलालीले युवा परिचालन समिति संयोजकमा तरुण दल कैलालीका अध्यक्ष नरेश कुँवरलाई तोकेको छ। साथै, कांग्रेसले कैलाली निर्वाचन क्षेत्र नं. ५ को संयोजकको जिम्मेवारी पनि कुँवरलाई प्रदान गरेको छ।
पार्टीको संगठन सुदृढीकरण तथा आगामी राजनीतिक गतिविधिलाई प्रभावकारी बनाउन कैलाली जिल्लाका पाँचवटै निर्वाचन क्षेत्रमा युवाहरूलाई परिचालन गर्ने जिम्मेवारी उहाँकै नेतृत्वमा दिइएको छ।
यस सम्बन्धमा नेपाली कांग्रेस कैलालीले जानकारी दिएको हो। कांग्रेस कैलालीका जिल्ला सचिव निर्प बहादुर सुनारका अनुसार कुँवरलाई उक्त जिम्मेवारी तोकिएको हो।
प्रतिक्रिया दिनुहोस्