सञ्चालनमा नआउँदै धनगढी सभा गृहमा लगाइयो आगो

धनगढी :  धनगढीमा मङ्गलवार भएको जेन्जी आन्दोलनकारीले धनगढी सभा गृहमा आगो लगाएका छन्। निर्माण भएर सञ्चालनमा नआउँदै सभा गृह जलाइएको हो।

मङ्गलवार भएको आन्दोलनमा प्रदर्शनकारीको समूहले सभा गृहमा तोडफोड र आगजनी गरेको हो। उनीहरूले दुई पटक गृहमा प्रवेश गरेर आगजनी र तोडफोड गरेको धनगढी उपमहानगरपालिकाले जनाएको छ।

प्रदर्शनकारीहरूले सभा गृहमा राखिएका आगो निभाउने उपकरण नियन्त्रणमा लिएर आगजनी गरेका हुन्। उनीहरूले आगो निभाउने उपकरण समेत लगेर गएको, दमकल आउन अवरोध गरेका कारण सभा गृहका फर्निचर लगायतका

सामान जलेर नष्ट भएको उपमहानगरले जनाएको छ।