धनगढी । गंगा दशहरामा सुन्दर सुदूरपश्चिम यातायातले निःशुल्क बस सेवा सञ्चालन गर्ने भएको छ । सुन्दर सुदूरपश्चिम यातायातले बिहान ७ बजेदेखि बेलुका ७ बजेसम्म निःशुल्क बससेवा सञ्चालन गर्ने भएको हो ।
निःशुल्क बस सेवा धनगढीको क्याम्पस रोडदेखि बेहडाबाबा मन्दिरसम्म सञ्चालन हुनेछन् ।
मेला अवधिभर सुन्दर सुदूरपश्चिम यातायातका दुई वटा बस सञ्चालन गरिने सुन्दर सुदूरपश्चिम यातायात प्रालिका अध्यक्ष पदमराज सापकोटाले बताएका छन् । उनले बेहडाबाबा दर्शनका लागि दर्शनार्थीको सहजताका लागि निःशुल्क बस सेवा सञ्चालन गर्न लागिएको बताएका छन् ।
सुन्दर सुदूरपश्चिम यातायात प्रालिले विगतका वर्षहरुमा पनि निःशुल्क बस सेवा सञ्चालन गर्दै आएको थियो । सामाजिक उत्तरदायित्व अन्तर्गत विभिन्न सामाजिक सेवा गर्दै आएको सुन्दर सुदूरपश्चिम यातायात प्रालिले बेहडाबाबा दर्शन गर्न जाने श्रद्धालुको सहजताका लागि बस सेवा सञ्चालन गर्न लागेको अध्यक्ष सापकोटाले बताएका छन् ।
प्रतिक्रिया दनुहोस्