केएमसीमा स्ववियु चुनावको मतगणना दिउँसो साढे १ बजे हुने

धनगढी । कैलाली बहुमुखी क्याम्पसमा स्वतन्त्र विद्यार्थी युनियन (स्ववियु)को निर्वाचनको मतगणना दिउँसो साढे १ बजे हुने भएको छ । विवादका कारण सुरु हुन नसकेको मतगणना बिहीबार दिउँसो साढे १ बजेदेखि सुरु हुने भएको हो ।

बिहीबार बिहान एक सूचना जारी गर्दै स्ववियु निर्वाचन समितिले मतगणना दिउँसो साढे १ बजेदेखि हुने जनाएको छ ।

बुधबार सम्पन्न स्ववियु निर्वाचनमा कैलाली बहुमुखी क्याम्पसमा दुई हजार ५७ मत खसेको थियो । क्याम्पसमा तीन हजार ५९२ विद्यार्थी मतदाता रहेका थिए ।