धनगढी : धनगढीकाे ऐश्वर्य बहुमुखी क्याम्पसमा फर्जी भाेट हाल्न मतदान केन्द्रमा पुगेका एक जना पक्राउ परेका छन् ।
पक्राउ पर्नेमा डाेटीकाे शिखर नगरपालिका-४ बस्ने २५ वर्षीय भाेजराज भट्ट रहेकाे कैलालीका प्रवक्ता प्रहरी नायब उपरीक्षक (डीएसपी) कबिन्द्र सिंह बाेहराले जानकारी दिए ।
उनकाअनुसार उनी कैलाली बहुमुखी क्याम्पसमा स्नातक तहमा अध्ययनरत विद्यार्थी भएकाे खुलेकाे छ ।
फर्जी मत हाल्न मतदान केन्द्रमा पुगेपनि मत खसाल्न नपाउँदै उनलाई पक्राउ गरिएकाे डीएसपी बाेहराले बताए ।
उनी पक्राउ परेपछि एमाले निकट अनेरास्ववियुले स्ववियु निर्वाचनमा फर्जी मतदान गरेर धाधली गरेकाे आराेप लगाएको छ ।
निर्वाचन केन्द्रमा खटिएका नेपाली कांग्रेस निकट प्राध्यापकहरूले चुनावमा नेविसंघका उम्मेदवार जिताउन फर्जी मतदान गराउन भूमिका खेलेकाे भन्दै छानबिनकाे माग गरिएको छ ।
प्रतिक्रिया दनुहोस्