सुदूरपश्चिम प्रदेश सरकारले लगानी सम्मेलनको तयारी गर्दै

धनगढी : सुदूरपश्चिम प्रदेश सरकारले लगानी सम्मलेनको तयारी थालेको छ । आगामी वर्ष असोजमा गर्ने तयारी गरिएको लगानी सम्मेलनका लागि सरकारले तयारी थालेको छ । लागनी सम्मेलयको तयारी स्वरुप चैत अन्तिम साता प्रि–समिट गर्ने निर्णय गरेको सामाजिक विकास मन्त्री मेघराज खड्काले बताए ।

सरकारले गत वर्षदेखि लगानी सम्मेलनको तयारी गर्दै आएको भए पनि निर्णय कार्यान्वयन भने गर्न सकेको छैन ।

मंगलबार मुख्यमन्त्री कमलबहादुर शाहले मन्त्रीहरू, प्रमुख सचिव, सचिवहरू, सत्तारुढ दल संसदीय दलका नेता, प्रमुख सचेतकहरु लगायतसँग लगानी सम्मेलका बिषयमा छलफल गरेका थिए ।