एजेन्सी : इजरायल र हमासबीच भएको युद्धविराम सम्झौता अन्तर्गत हमासले आज ३ इजरायली बन्धकहरूलाई रिहा गर्नेछ। रिहा गर्ने तीन जना पुरुष रहेको जनाइएको छ।
रिहाइ हुनेमा सागुई डेकेल-चेन, साशा ट्रोफानोभ र इयर हर्न रहेका छन्। हमासले अहिलेसम्म ५ चरणमा १६ इजरायली र ५ थाई बन्धकहरूलाई रिहा गरिसकेको छ।
आजको बन्धक रिहाइको बदलामा इजरायलले ३६९ प्यालेस्टिनी कैदीहरूलाई रिहा गर्नेछ। यीमध्ये ३६ जना आजीवन कारावासको सजाय भोगिरहेका छन् भने बाँकी ३३३ कैदीहरूलाई गाजा युद्ध पछि इजरायलले पक्राउ गरेको थियो।
७ अक्टोबर २०२३ मा हजारौं हमास लडाकुहरूले इजरायलमा आक्रमण गरेका थिए जसमा १२०० जनाको हत्या भएको थियो। यससँगै २५० भन्दा बढी मानिसहरूलाई बन्धक बनाइएको थियो।
प्रतिक्रिया दनुहोस्