सुदूरपश्चिममा एक लाखभन्दा बढी किशोरीले एचपीभी खोप लगाए !

धनगढी : सुदूरपश्चिम प्रदेशमा एचपीभी खोप अभियान २०८१ अन्तर्गत एक लाखभन्दा बढी किशोरीले खोप लगाइसकेका छन्। माघ २२ गते देखि प्रदेशमा सुरु भएको अभियान अन्तरगत ३ दिनमा १ लाख २ हजार ६२६ किशोरीहरुले खोप लगाएको स्वास्थ्य कार्यालयले जनाएको छ।

यससँगै प्रदेशमा कुल खोप अभियानको प्रगति ६८ प्रतिशत पुगेको छ। प्रदेशभरका १ लाख ५२ हजार १२१ किशोरीहरुलाई खोप लगाउने लक्ष्य लिइएको छ ।

एचपीभी खोप अभियान अन्तर्गत किशोरीहरुलाई मानव पेपिलोमा भाइरस ९एचपीभी० विरुद्धको खोप दिइएको हो, जसले पाठेघरको क्यान्सरजस्ता समस्याबाट बच्न मद्दत पुर्‍याउने विश्वास गरिएको छ।