कैलालीबाट साढे ८ लाख बराबरको अवैध सामान बरामद

धनगढी : कैलालीबाट प्रहरीले साढे ८ लाख बराबरको अवैध सामान बरामद गरेको छ ।

बिहीबार धनगढी उपमहानगरपालिका – १ कटान नालापुल, गोदावरी नगरपालिका – ३ चौकिडाँडा र टीकापुर नगरपालिका – ९ बालुवाटारबाट अवैध रूपमा भारतबाट भन्सार छली ल्याएको  ८ लाख ५४ हजार ७९९ रुपैयाँ बराबरको अवैध सामान बरामद गरिएको हो ।

जसअन्तर्गत मोबाइल ग्लास, जुत्ता, त्रिपाल, डोरी, हरियो मटर, हरियो खुर्सानी, प्लास्टिक झिल्ली, एक मोटरसाइकल लगायतका सामानहरू  बेवारिसे अवस्थामा फेला पारी नियन्त्रणमा लिएको प्रदेश प्रहरी कार्यालय धनगढीले जनाएको छ ।