कञ्चनपुरको एक पसलमा आगलागी, क्षतिपूर्ण विवरण आउन बाँकी

कञ्चनपुर : कञ्चनपुरमा एक पसल जलेर नष्ट भएको छ । सोमबार राती बेदकोट नगरपालिका – ३ दैजी चोक स्थित बेदकोट नगरपालिका – १ का मदन राज भट्टले सञ्चालन गरेको भट्ट किराना पसल जलेर नष्ट भएको हो ।

विद्युतको तार सर्ट भई आगलागी हुँदा पसल भित्र रहेका किराना लगायतका सामानहरू जलेर नष्ट भएको प्रदेश प्रहरी कार्यालय धनगढीले जनाएको छ ।

पसलमा भएको क्षतिको पूर्ण विवरण आउन भने बाँकी रहेको प्रहरीको भनाइ छ । आगलागी स्थानीय, प्रहरी र दमकलको सहयोगमा नियन्त्रणमा लिइएको थियो ।