धनगढी : प्रधानमन्त्री कप महिला टी–२० राष्ट्रिय क्रिकेट प्रतियोगितामा आज दुई वटा खेल हुँदैछन् । धनगढीको फाप्ला क्रिकेट मैदानमा आजको पहिलो खेलमा बिहान ९ बजे बागमती र कोशी प्रदेश खेल्दैछन् । यस्तै दिउँसो १ बजे मधेस प्रदेश र त्रिभूवन आर्मी क्लबले खेल्नेछन् ।
प्रतियोगितामा दुई विभागीय र सात वटा प्रदेश गरी नौ टोली छन् । सहभागी टोलीलाई दुई समूहमा विभाजन गरिएको छ । समूह ‘ए’ का खेल सकिएका छन् भने आजदेखि समूह ‘बी’ का खेल हुनेछन् ।
समूह ‘ए’ मा लुम्बिनी, गण्डकी, कर्णाली, एपीएफ र सुदूरपश्चिम रहेकोमा एपीएफ शीर्ष र सुदूरपश्चिम दोस्रो स्थानमा रहेर सुपर फोरमा पुगेको छ । समूह ‘बी’ मा कोशी, मधेस, बाग्मती र त्रिभुवन आर्मी क्लब छन् । यो समूहबाट शीर्ष दुई टोली सुपर फोरमा पुग्नेछन् ।
सुपर फोरमा एक समूहको टोलीले अर्को समूहको टोलीसँग खेल्नेछन् । शीर्ष दुईमा रहने टोली बिच फाइनल खेल हुनेछ ।
प्रतिक्रिया दनुहोस्