स्वास्थ्य अनुसन्धान परिषद्को सुदूरपश्चिम संयोजकमा डा. अन्सारी नियुक्त

धनगढी । स्वास्थ्य अनुसन्धान परिषद् सुदूरपश्चिमको संयोजकमा डा. मेराज आलम अन्सारी नियुक्त भएका छन् ।

स्वास्थ्य अनुसन्धान परिषद्का सदस्य सचिव डा. प्रमोद जोशीले सर्जरी डा. अन्सारीलाई सुदूरपश्चिमको संयोजकमा नियुक्त गरेका हुन् । अन्सारी निसर्ग हस्पिटलका मेडिकल डाइरेक्टरसमेत हुन् ।

स्वास्थ्य अनुसन्धान परिषद्ले सुदूरपश्चिम स्तरीय शाखा स्थापना गरेपछि सुदूरपश्चिमका चिकित्सक तथा स्वास्थय क्षेत्रमा नयाँ अनुसन्धान गर्न सहज हुने भएको छ ।

परिषद्ले अन्य ६ वटै प्रदेशमा यसअघि नै शाखा स्थापना गरिसकेको छ । अब सुदूरपश्चिम परिषद्ले काउन्सीलर नियक्त गरेसँगै स्वास्थ्य परिषद्को शाखा खुल्ने वातावरण भएको अन्सारीले बताएका छन् ।