काठमाडौं । नेपाली कांग्रेसका सभापति तथा पूर्वप्रधानमन्त्री शेरबहादुर देउवा लामो समयपछि आज नेपाल फर्किने भएका छन्।
देउवाको स्वदेश फिर्तीलाई लिएर उनका समर्थक तथा शुभेच्छुकहरूले स्वागतको तयारी थालेका छन्। उनलाई बाजागाजा, झाँकी तथा सांस्कृतिक प्रस्तुतिसहित भव्य स्वागत गर्ने तयारी गरिएको बताइएको छ।
लामो समयपछि स्वदेश फर्किन लागेका देउवालाई स्वागत गर्न विभिन्न ठाउँबाट समर्थक तथा कार्यकर्ता काठमाडौंमा जुट्ने तयारीमा छन्। स्वागत कार्यक्रमलाई व्यवस्थित बनाउन आवश्यक तयारीसमेत भइरहेको जनाइएको छ।
देउवाको स्वदेश फिर्तीसँगै नेपाली कांग्रेसको आगामी राजनीतिक गतिविधि र पार्टीभित्रको रणनीतिलाई लिएर समेत राजनीतिक वृत्तमा चासो बढेको छ।
यद्यपि, स्वागत कार्यक्रमको विस्तृत समय, स्थान तथा सहभागी हुने नेताकार्यकर्ताको संख्याबारे थप विवरण सार्वजनिक हुन बाँकी छ।
प्रतिक्रिया दिनुहोस्