नक्कली भुटानी शरणार्थी प्रकरण : टोपबहादुर र बालकृष्ण खाणसहित १६ जनाको सुनाइँदै सजाय

काठमाडौं– नक्कली भुटानी शरणार्थी प्रकरणमा दोषी ठहर भएका पूर्वगृहमन्त्री बालकृष्ण खाण, पूर्वऊर्जामन्त्री टोपबहादुर रायमाझीसहित १६ जनाको सजाय आज जिल्ला अदालत काठमाडौंले निर्धारण गर्ने भएको छ ।

गत असार २३ गते अदालतले ३१ प्रतिवादीमध्ये १६ जनालाई दोषी ठहर, सात जनालाई सफाइ तथा आठ जनाको मुद्दा फरार रहेकाले मुल्तवीमा राख्ने फैसला गरेको थियो ।

दोषी ठहर भएकामध्ये खाण र रायमाझीसहित तत्कालीन गृहसचिव टेकनारायण पाण्डे, पूर्वसांसद आङटावा शेर्पा, डा.इन्द्रजित राई, टेकनाथ रिजाल तथा बिचौलिया समूहका अन्य सदस्यहरू छन् ।

न्यायाधीश तेजबहादुर खड्काको इजलासले आज सजाय निर्धारण गर्नेछ ।