जाजरकोटमा पहिरोले पुरिँदा महिलाको मृत्यु, दुई जनाको सकुशल उद्धार

जाजरकोट । अविरल वर्षाका कारण जाजरकोटको भेरी नगरपालिका–२ राङ्सीमा पहिरोले अस्थायी टहरा पुरिँदा एक महिलाको मृत्यु भएको छ ।

जिल्ला प्रहरी कार्यालय जाजरकोटका अनुसार असार २८ गतेको वर्षापछि माथिबाट आएको पहिरोले स्थानीय जयशीला शाहको टहरा पुरेको थियो । करिब ६० वर्षीया शाहको घटनास्थलमै मृत्यु भएको प्रहरीले जनाएको छ ।

पहिरोमा पुरिएका शाहकी छोरी मेनुका शाह थापा र करिब ७ वर्षीया नातिनी टिका थापाको भने सकुशल उद्धार गरिएको छ ।

घटनापछि प्रहरी तथा स्थानीयवासीको सहयोगमा उद्धार कार्य गरिएको जिल्ला प्रहरी कार्यालय जाजरकोटले जनाएको छ ।