मनिष झाको रविलाई आग्रह : गुटबन्दी गर्नेलाई कारबाही गर्नुस्

काठमाडौँ । रास्वपाको महामन्त्री पदका उम्मेदवार मनिष झाले पार्टीमा गुटबन्दीको प्रयास भएको भन्दै गुटबन्दीको प्रयास गर्नेहरूलाई कारबाही गर्न माग गरेका छन् । शुक्रबार भरतपुरमा सञ्चारकर्मीसँग कुरा गर्दै झाले सभापति रवि लामिछानेलाई यस्तो बताएका हुन् । 

‘जे गर्नु हुँदैन भनेर भनिन्छ त्यही हुँदा नराम्रो हो’, उनले भने– ‘डेमोक्रेटिक प्रोसेसमा समूहगत अभ्यास गर्नुभयो त्यो हाम्रो नेताको अभिव्यक्ति विपरीत हो ।’ 

उनले भने– ‘संस्थापन पक्ष एकजुट हुनुभयो भने म यहीबाट आदरणीय रवि लामिछानेज्यूलाई अनुरोध गर्छु– यो गुटबन्दीको प्रयास गर्नेहरूलाई कारबाही गर्दिनुस् न ।’