कैलालीको टीकापुर नगरपालिकाले सरकारी जमिन अतिक्रमण गरेर बनाइएका बस्ती र संरचना हटाउन अभियान सुरु गरेको छ। प्रमुख प्रशासकीय अधिकृत सुमन धितालका अनुसार नगरभित्र अतिक्रमित क्षेत्र खाली गराउने उद्देश्यले डोजर प्रयोग गरेर संरचना हटाउन थालिएको हो।
यसअन्तर्गत आज टीकापुर नगरपालिका–१ को जमरा पुलदेखि बसपार्क क्षेत्रसम्म रहेका अवैध संरचना हटाउने काम अघि बढाइएको छ। नगरका विभिन्न स्थानमा सरकारी जग्गा अतिक्रमण भएको भेटिएपछि यो अभियान सञ्चालन गरिएको जनाइएको छ।
अभियानलाई थप प्रभावकारी बनाउन नगरपालिकाले वडास्तरमै अतिक्रमणको तथ्यांक संकलन गर्ने काम पनि अघि बढाएको छ।
प्रतिक्रिया दिनुहोस्