प्रहरीलाई गृहमन्त्रीको निर्देशन- निर्वाचनलाई सफलतापूर्वक सम्पन्न गराउन आफ्नो भूमिकालाई थप प्रभावकारी बनाउनुस्

गृहमन्त्री ओमप्रकाश अर्यालले आसन्न निर्वाचनलाई भयमुक्त गराउने गरी आफ्नो भूमिकालाई थप प्रभावकारी बनाउन प्रहरीलाई निर्देशन दिएका हुन् ।

सोमवार काठमाडौँमा आयोजित सोमबार काठमाडौँमा आयोजित नेपाल प्रहरी निरीक्षकहरूको दीक्षान्त समारोहमा बोल्दै उनले सो कुरा बताएका हुन् ।

गृहमन्त्री अर्यालले निर्वाचनलाई स्वतन्त्र, निष्पक्ष, भयमुक्त र विश्वसनीय रूपमा सम्पन्न गराउनका लागि प्रहरीहरूको भूमिका अझै प्रभावकारी हुनुपर्ने बताए । उनले निर्वाचनलाई सफलतापूर्वक सम्पन्न गरेर नेपाल प्रहरीले विगतमा जस्तै आफ्नो व्यावसायिक दक्षता प्रमाणित गरेर देखाउने विश्वास समेत व्यक्त गरे ।

त्यस अवसरमा गृहमन्त्री अर्यालले नेपाल प्रहरी पूर्ण रूपमा तटस्थ, व्यावसायिक र कानुन अनुसार चल्ने भएकाले उसको निष्पक्षमाथि कसैले पनि प्रश्न उठाउन सक्ने बताए । उनले कुनैपनि तत्त्वको दबाबमा नेपाल प्रहरी नपर्ने समेत बताए ।