काठमाडौं । उच्च अदालत पाटनले स्वर्णलक्ष्मी सहकारी ठगी तथा संगठित अपराधमा रवि लामिछानेलाई ६० लाख धरौटी हुने काठमाडौं जिल्ला अदालतको आदेश सदर गरेको छ । बिहीबार उच्च अदालतका न्यायाधीशहरू खडानन्द तिवारी र दीपककुमार खरेलको इजलासले काठमाडौं जिल्ला अदालतको आदेश सदर गरेको हो ।
उच्च अदालतका सूचना अधिकारी पार्वती हितानले भनेकी छन्, “संगठित रूपमा गरेको ठगीसम्बन्धी कसुरका प्रतिवादीहरू रवि लामिछाने, छविलाल जोशी, सुनिता नेवा, कमल लामा र माया राईलाई काठमाडौ जिल्ला अदालतबाट मुद्दा पुर्पक्षका लागि धरौटी माग गर्ने गरी विभिन्न मितिमा भएको आदेशविरुद्ध परेको निवेदनमा यस अदालतका माननीय न्यायाधीशद्वय खडानन्द तिवारी र दीपककुमार खरेलको इजलासबाट आज सदर हुने गरी आदेश भएको छ,” उच्च अदालतले काठमाडौं जिल्ला अदालतको आदेश बेरितको नदेखिएकोले सदर हुने भनिएको छ ।
प्रतिक्रिया दिनुहोस्