धनगढी । कैलालीको जोशीपुर गाउँपालिकाका अध्यक्ष चित्रबहादुर चौधरीमाथि कालोमोसो लगाएको आरोपमा नेकपा बहुमतका एक नेतालाई पक्राउ गरिएको छ । पक्राउ पर्नेमा धनगढी घर भएका बहुमतका नेता ३४ वर्षीय रमेश साउद रहेको प्रहरीले जनाएको छ ।
जिल्ला प्रहरी कार्यालयका प्रवक्ता प्रहरी नायब उपरीक्षक(डीएसपी) राजकुमार सिंहले साउदलाई शुक्रबार बिहान धनगढी उपमहानगरपालिका क्षेत्रबाट पक्राउ गरिएको जानकारी दिएका छन् । उनलाई अभद्र व्यवहार शिर्षकमा जोशीपुर गाउँपालिका अध्यक्ष चौधरीले दिएको किटानी जाहेरीका आधारमा पक्राउ गरिएको डीएसपी सिंहले बताए ।
साउदसहितका अन्य १० जनाका नाममा चौधरीले किटानी जाहेरी दिएका थिए । अन्यको खोजी भइरहेको प्रहरीले जनाएको छ । उनीहरुले भ्रष्टाचारमा संलग्न रहेको भन्दै हालै जोशीपुर गाउँपालिकाका अध्यक्ष चित्रबहादुर चौधरीमाथि कालोमोसो दलेको भिडियो सार्वजनिक गरेका थिए ।
प्रतिक्रिया दनुहोस्