काठमाडौं : नेकपा एमालेका नेता भीम रावलले आफू अझै पनि एमालेमा रहन चाहेको, तर आफूलाई पार्टीमै बसिरहने वातावरण नै नरहेको बताएका छन्। पार्टी छाड्ने आफ्नो मन नभए पनि अध्यक्ष केपी शर्मा ओलीको व्यवहारले अब आफू एमालेमै बसिरहने सम्भावना कम रहेको उनको भनाइ छ ।
मंगलबार एक टेलिभिजनलाई अन्तर्वार्ता दिँदै उनले पार्टी अध्यक्ष केपी शर्मा ओलीको कडा आलोचना गरेका छन् । ओलीकै कारण एमालेमा बसिरहने अवस्था नरहेको नेता रावलको भनाइ छ ।
रावलले भनेका छन्, ‘पार्टीलाई एकताबद्ध बनाउने विषयमा जाने हो भने अहिले पनि मेरो पहिलो प्राथमिकता र पहिलो विकल्प भनेको नेकपा एमाले नै हो।’ आफूलाई पार्टीका औपचारिक कार्यक्रमहरूमा पनि निषेध गरेको उनको गुनासो छ ।
वैशाख ८ र ९ गते ललितपुरमा भएको एमालेको राष्ट्रिय महाधिवेशन प्रतिनिधि परिषद्को बैठकमा आफूलाई निमन्त्रणा नदिएको भन्दै रावलले पार्टीप्रति रोष व्यक्त गर्दै आएका छन् ।
प्रतिक्रिया दिनुहोस्