आइसिसी महिला टी–२० विश्वकप एसिया क्षेत्र छनोटको दोस्रो सेमिफाइनल खेलमा थाइल्याण्डविरुद्ध नेपालले टस जितेर फिल्डिङ गरिरहेको छ । पहिले फिल्डिङ गर्ने निर्णय सही साबित गर्दै नेपालले पहिलो ओभरमै सफलता प्राप्त गर्यो ।
नेपाललाई पहिलो सफलता पहिलो ओभरको चौथोब बलमा तीव्र गतिकी बलर कविता कुँवरले दिलाइन् । उनले थाइल्याण्डकी विकेटकिपर तथा ओपनिङ ब्याटर सुवानन खियाओटोलाई २ रनमै पवेलियनको दिशा देखाइन् ।
थाइल्याण्डले यो समाचार तयार पार्दासम्म ५ ओभरमा महत्वपूर्ण एक विकेट गुमाएर ८ रन बनाएको छ । नेपाल आज थाइल्याण्डविरुद्ध ऐतिहासिक जित निकाल्दै फाइनलमा पुग्न चाहन्छ ।
नेपालले हालसम्म थाइल्याण्डलाई हराउन सकेको छैन । थाइल्याण्ड नेपालविरुद्धको जित यात्रा कायमै राख्दै फाइनलको टिकट सुरक्षित गर्ने योजनामा छ ।
आजको विजेता टिमले आगामी वर्ष हुने आइसिसी महिला ग्लोबल टी–२० छनोट खेल्न पाउनेछ । नेपाल हालसम्म ग्लोबल छनोटमा पुग्न सकेको छैन ।
प्रतिक्रिया दिनुहोस्