भारतमा भारी वर्षाका कारण ५० जनाको मृत्यु

नयाँदिल्ली: भारतमा वर्षाका कारण मृत्यु हुनेको सङ्ख्या ५० पुगेको छ ।

भारतको उत्तरी पहाडी राज्य हिमाचल प्रदेशमा भारी वर्षाका कारण ५० जनाको मृत्यु भएको हो । राज्यका मुख्यमन्त्री सुखविन्दर सिंह सुखुले सोमबार जनाएअनुसार वर्षा प्रभावित क्षेत्रमा अझै कैयौँ व्यक्ति फसेको र मृतकको सङ्ख्या अझै बढ्न सक्ने देखिन्छ ।

भारतीय मौसम विज्ञान विभागले राज्यमा मध्यमदेखि भारी वर्षाको सम्भावना रहेको भन्दै राज्य सरकारले सबै विद्यालय, कलेज र अन्य शैक्षिक संस्थाहरू बन्द गर्न आदेश दिएको छ । राज्य आपत्कालीन सञ्चालन केन्द्रका अनुसार राज्यमा सात सय ५२ सडक बन्द गरिएको छ ।