कञ्चनपुर: घाँटीमा खुकुरी राखेर लुटपाट गर्ने तीन जना पक्राउ परेका छन् ।
खुकुरीले डर देखाएर दक्षिण–पूर्व क्षेत्रको हुलाकी राजमार्गमा ओहोर–दोहोर गर्नेलाई लुटपाट गर्ने गरेको आरोपमा तीन जना युवा पक्राउ परेका हुन् ।
पक्राउ पर्नेहरुमा पुनर्वास नगरपालिका- ३ का २३ वर्षिय विजय गिरी र २५ वर्षिय माने तामाङ तथा पुनर्वास नगरपालिका- ६ का २१ वर्षिय राजी कोइराला रहेका छन् । हुलाकी राजमार्गमा ओहोर दोहोर गर्नेहरुलाई डर, धम्की देखाएर रकम असुली गर्दै आएको आरोपमा उनिहरुलाई प्रहरीले पक्राउ गरेको हो ।
उनीहरुको समूहले खुकुरी देखाएर मान्छेलाई लुटपाट गर्दै आएको इलाका प्रहरी कार्यालय, त्रिभूवनबस्तीले जानकारी दिएको छ । उनीहरुको साथबाट दुई थान मोटरसाइकलसमेत बरामद गरिएको प्रहरिले जनाएको छ ।
प्रतिक्रिया दिनुहोस्