धनगढी: भारतबाट नगद र सुन चोरेर आएका तीनजना नेपाली आज तिकुनीयाँबाट पक्राउ परेका छन । भारतीय प्रहरीले उनीहरुको साथबाट ३ करोड भारतीय रुपैयाँ र १५ किलो सुन बरामद गरेको छ ।
पक्राउ पर्नेमा टीकापुर नगरपालिका–८ कर्मीडाँडाका शंकर साउँद र उनकी श्रीमतीका साथै बर्दियाका एक चौधरी थर भएका व्यक्ति रहेको अनुमान गरिएको छ । उनीहरुले भारतको हरियाढणा भन्ने ठाउँबाट चोरी गरेर आएको बताईएको छ ।
सशस्त्र प्रहरी सिमा सुरक्षा बल खक्रौलाका डिएसपी जंग कुँवरले तिकुनीयाँको बसपार्कबाट नेपाली पक्राउ परेको भन्ने सुन्नमा आएको भएपनि विस्तृत जानकारी प्राप्त नभएको बताए । उनले घटनाका बारेमा भारतीय पक्षसँग सोधपुछ भैरहेको जानकारी दिए ।
प्रतिक्रिया दिनुहोस्