गौरीगंगाका विद्यालयहरुमा ३ दिनका लागि गर्मी बिदा

कैलाली: गर्मी अत्याधिक बढेपछि कैलालीको गौरीगंगा नगरपालिकाका विद्यालयहरुमा ३ दिनका लागि पठनपाठन बन्द गर्ने निर्णय गरिएको छ ।

नगरपालिकाले बिहिबार एक सूचना जारी गर्दै अत्याधिक गर्मीका कारण पठन पाठनमा समस्या भएको भन्दै जेठ २८ देखि ३० गते सम्म विदा दिने बताएको हो । हाल गर्मीयाम लागेसंगै तापक्रम अत्याधिक वृद्धि भइ गर्मी भइरहेको र विद्यार्थीको स्वास्थ्यमा प्रतिकुल असर पर्नुका साथै पठनपाठन पनि प्रभावित भइरहेकोले विद्यालयको बर्षे तथा हिउँदे विदाबाट कट्टी गर्ने गरी गर्मि विदा दिइएको अधिकृत गणेश जोशीद्धारा जारी सूचनामा उल्लेख गरिएको छ ।

तराइका जिल्लाहरुमा केहि दिन यता तापक्रम बढ्न गइ गर्मी बढेका कारण जनजिवन प्रभावित भएको छ ।