दार्चुला । दार्चुलामा बँदेलको आक्रमणबाट सशस्त्र प्रहरी सहित पाँच जना घाइते भएका छन् ।
मालिकार्जुन गाउँपालिका वडा नम्बर ६ उकुमा बँदेलको आक्रमणबाट पाँच जना घाइते भएका हुन । सशस्त्र प्रहरीले परेड खेलिरहेको अवस्थामा बँदेलले एक्कासी आक्रमण गर्दा सशस्त्र प्रहरीका हवल्दार गोपाल साउँद, सशस्त्र प्रहरीका जवान हरिस बुडाल, ६५ वर्षीय स्थानीय जसोदसिंह महरा, २१ वर्षीय आयुष पाल र ५० वर्षीय रतन पार्की घाइते भएको प्रहरीले जनाएको छ ।
आक्रमण गर्ने बँदेललाई मारिएको छ, भने घाइतेमध्ये रतन पार्कीलाई थप उपचारका लागि धनगढी पुर्याइएको छ । अन्य घाइतेको स्वास्थ्य अवस्था समान्य रहेको प्रहरीले जनाएको छ ।
प्रतिक्रिया दिनुहोस्