नक्कली विज्ञापन गरी अनलाइनमार्फत ठगी गर्ने ‘हाम्रो बजार डटकम’का सञ्चालक पक्राउ

काठमाडौं । नक्कली विज्ञापन गरी अनलाइन मार्फत ठगी गर्ने ‘हाम्रो बजार डटकम’का सञ्चालक पक्राउ परेका छन् । पक्राउ परेका ‘हाम्रो बजार डटकम’का सञ्चालक उपेन्द्र शाहीले अनलाइनमा महँगो मूल्यका आइफोन मोबाइल सेटहरु सस्तो मूल्यमा बिक्रीमा छ भन्ने जस्ता आकर्षक विज्ञापन राखेर ठगी गरेको पाइएको छ ।

पक्राउ परेका शाहीले यसरी अनलाइनमा नक्कली विज्ञापन पोष्ट गरी त्यसमार्फत सम्पर्कमा आएका व्यक्तिहरुलाई मोबाइलको मूल्य, डेलिभेरी, कुरियर चार्ज जस्ता विभिन्न प्रयोजनमा रकम लाग्ने भनी रकम ठगी गर्ने गरेको खुलेको प्रहरीले जनाएको छ ।

प्रहरीका अनुसार उनले मोबाइल खरिद गरेबापत आफ्नो सम्पर्कमा रहेका विभिन्न व्यक्तिहरुका नाममा रहेका बैंक खाता, इसेवा तथा खल्ती वालेटहरुमा रकम पठाउन लगाउने र त्यसपछि सम्पर्कविहीन हुने गरेको पाइएको छ ।

पक्राउ परेका शाहीलाई हाल ठगीसम्बन्धी कसुरमा आवश्यक अनुसन्धान एवं कारबाहीका लागि जिल्ला प्रहरी परिसर काठमाडौँमा बुझाइएको प्रहरीले जनाएको छ ।

यो खबर पढेर तपाईंलाई कस्तो महसुस भयो ?

0%

खुसी

0%

दु :खी

0%

अचम्मित

0%

उत्साहित

0%

आक्रोशित

सम्बन्धित समाचार