सातौं अर्किड कप जुनियर ब्वाइज फुटबल प्रतियोगिता भोलिदेखि

काठमाडौं – अर्किड स्कुलको आयोजनामा सातौं अर्किड कप जुनियर ब्वाइज फुटबल प्रतियोगिता भोलिदेखि हुने भएको छ ।

प्रतियोगितामा आयोजकको २ सहित ३८ टिमको सहभागिता रहने अर्किडका प्रिन्सिपल चोलेन्द्र कार्कीले जानकारी दिए । सहभागी हुने टिमहरुमा अर्किड ‘ए’ र ‘बी’, गोठाटार, मानाङ्क प्याराडाइस, भीमेश्वर, नाम्स, दर्शना, सांग्रिला, लाइसियम, सीसीएस, बेस्ट ग्रुप भिजन, कौस्तुभ, हाइली क्रिएटिभ, बाल गीताञ्जली, सनराइस, गोल्डेन बड, एकलब्य, प्रीतिमा, मनकामना, श्रमशील, करियर बिल्डिङ इन्टरनेसनल एकेडेमी, टाइमलाइन, गेट्वे, नेक्सस, विद्यावारी, मोनास्टिक, ग्लोबल, हाइल्यान्ड, अक्षरिका, कौतिल्य, निर्मल ज्योति, पाणिनी, ग्रिनविच, गणेश हिमाल, साम्तेन, न्यु स्टार पोल, विद्या विकास, माउन्ट सेब तथा गुहेश्वर रहेका छन् ।

गत संस्करणको उपाधि नेक्सस इन्टरनेसनल एकेडेमीले जितेको थियो । नकआउट प्रतियोगिताको विजेताले ३० हजार, उपविजेताले २० हजार, तेश्रोले १० हजार र चौथोले ५ हजार नगद पुरस्कार प्राप्त गर्ने छन् । प्रतियोगिता सञ्चलन गर्न करिब ५ लाख ५० हजार खर्च हुने अर्किडका सञ्चालक प्रेमकुमार भुजेलले जानकारी दिए । खेलहरु काँडाघारीस्थित अर्किडको आफ्नै मैदानमा हुनेछ ।

प्रतियोगितामा युनि पब्लिकेशन सिफल काठमाडौं, फोटो संसार लोकन्थली भक्तपुर, ग्रामर कलेज कोटेश्वर, मनास्लु वल्ड कलेज चावहिलले मुख्य सहयोग गरेकोमा संस्थापक प्रेमकुमार भुजेलले हार्दिक धन्यवाद व्यक्त गर्नुभएको छ ।