चर्चित निर्देशक होम धितालको निर्देशनमा मौलिक गीत ‘जमुना’ सार्बजनिक

काठमाडौँ – चर्चित निर्देशक होम धितालको निर्देशनमा मौलिक गीत ‘जमुना’ सार्बजनिक भएको छ । शुक्रबार ‘माधव भण्डारी’ युट्युव च्यानलबाट गीत सार्वजनिक भएको हो । भिडियोमा सर्वप्रिय नायिका रेजिना उप्रेती र सुन्दर खवासको अभिनय देख्न सकिन्छ । भिडियोको सम्पादन अति व्यस्त सम्पादक रोशन धितालले गरेका हुन् । गीतमा कोरियोग्राफी भने शिव विकले गरेका छन् । गीतको छायांकन तथा ड्रोन अपरेटरमा मरुभुमी नारायण छन् । गीतको पोष्ट प्रोडक्सन धिताल फिल्मसले गरेको हो ।
गीतमा सर्वप्रिय गायक माधव भण्डारी र आशा उपारकोटीको स्वर रहेको छ । गीतमा लय, शब्द माधव भण्डारीकै रहेको छ भने गीत एरेन्ज पनि माधव भण्डारीले गरेका छन् । दिपक विसी रेकर्डिस्ट रहेको यस गीतमा मिक्स मास्टर भने डिका गुरुङ रहेका छन् । डिजिटल काठमाडौँ स्टुडियोमा गीत रेकर्डिङ भएको हो ।