सासूको ह*त्या गरेको आरोपमा ज्वाइँ पक्राउ

काठमाडौँ : काभ्रेमा सासूको ह*त्या गरेको आरोपमा ज्वाइँ पक्राउ परेका छन् । काभ्रेको मण्डनदेउपुर नगरपालिका-१ गैरीगाउँ घिसिङ टोलकी ५२ वर्षीया तिनमाया तामाङको ह*त्या आरोपमा उनकै ज्वाइँ २८ वर्षीय सुकबहादुर तामाङ पक्राउ परेका हुन् ।

प्रारम्भिक अनुसन्धानबाट तिनमायाको ह*त्या सुकबहादुरले नै गरेको खुलेको प्रहरीको दाबी छ । तिनमाया मंसिर ३० गते आफ्नै घरभित्र मृत फेला परेकी थिइन् । सुकबहादुरले नै ह*त्या गरेको खुलेपछि यही पुस ५ गते पक्राउ गरिएको जिल्ला प्रहरी कार्यालय काभ्रेका प्रमुख, एसपी बसुंधरा खड़काले जानकारी दिइन् ।

एसपी खड्काका अनुसार तिनमायाले काम नगर्ने भनी सधैं गालीमात्र गरिरहने र सोही दिन पनि गाली गरेकोले ह*त्या गरेको सुकबहादुरले स्वीकारेका छन् । उनले तिनमायालाई मुक्का प्रहार गर्नुका साथै कुटपिट गरेर टाउको थाममा ठोक्काएर ह*त्या गरेको बयान दिएका छन् । सुकबहादुरमाथि पाँच दिन म्याद थप गरेर अनुसन्धान गरिरहेको जिल्ला प्रहरी कार्यालयले जनाएको छ ।