धनगढीमा एक लाख पुरस्कारकाे ब्याड्मिन्टन प्रतियाेगिता हुने

धनगढी : ॐ श्रीनगर स्पोर्टस् क्लबले धनगढीमा ब्याडमिन्टन प्रतियोगिता आयोजना गर्ने भएको छ। शुभ दीपालीको अवसरमा ओपन मेन्स डबल्स र बी लेभल ओपन मेन्स डबल्स ब्याडमिन्टन प्रतियोगिता आयोजना गरिने क्लबले जानकारी दिएको हो।
कार्तिक २२ देखि २४ गतेसम्म सुदूरपश्चिम प्रदेश प्रहरी कार्यालयको हलमा उक्त प्रतियोगिता हुने क्लबका अध्यक्ष प्रेमप्रकाश रेग्मीले बताए।
प्रतियोगितामा ए लेभल ओपन मेन्स डबल्समा प्रथम हुनेले एक लाख नगद, ट्रफी र प्रमाणपत्र प्राप्त गर्नेछ। यस्तै दोस्रो हुने टिमले ५० हजार हजार नगद, ट्रफी र प्रमाणपत्र प्राप्त गर्नेछ भने तेस्रो हुनेले २५ हजार नगद, ट्रफी र प्रमाणपत्र प्राप्त गर्नेछ।

प्रतियोगितामा बी लेभल ओपन मेन्स डबल्समा प्रथम हुनेले ५० हजार, ट्रफी र प्रमाणपत्र प्राप्त गर्नेछ। यस्तै दोस्रो हुने टिमले ३० हजार नगद, ट्रफी र प्रमाणपत्र प्राप्त गर्नेछ भने तेस्रो हुनेले १० हजार नगद, ट्रफी र प्रमाणपत्र प्राप्त गर्नेछ।

प्रतियोगिताको तयारी जारी रहेको आयोजक क्लबले जनाएको छ। ए लेभलका लागि अन्तराष्ट्रिय तथा राष्ट्रिय खेलाडीहरुको सहभागिता रहने आयोजकको अपेक्षा छ। टाढाका खेलाडीलाई धनगढीमा प्रतियोगिताभर खानेबस्ने व्यवस्था समेत मिलाइएको अध्यक्ष रेग्मीले जानकारी दिए।