बैतडी : बैतडी जिल्लाका ६ देखि ५९ महिनासम्मका २० हजार ७१२ जना बालबालिकालाई भिटामिन ‘ए’ क्याप्सुल खुवाउने लक्ष्य रहेको स्वास्थ्य कार्यालय बैतडीका सूचना अधिकारी विपिन लेखकले बताए ।
राष्ट्रिय भिटामिन ‘ए’ कार्यक्रमअन्तर्गत भोलि र पर्सि बालबालिकाहरुलाई भिटामिन ‘ए’ क्याप्सुल जुकाको औषधी र बालभिटा खुवाउने कार्यक्रम रहेको सूचना अधिकारी लेखकले बताए ।
जिल्लामा १२ देखि ५९ महिनासम्मका १८ हजार १९५ जना बालबालिकालाई जुकाको औषधी खुवाउने लक्ष्य रहेको छ । त्यस्तै, ६ महिनादेखि २३ महिनासम्मका ७ हजार ४५५ जना बालबालिकालाई बालभिटा खुवाउने लक्ष्य छ ।
प्रतिक्रिया दिनुहोस्