बझाङ । बझाङको साइपाल गाउँपालिकामा एभेरष्ट बैंकको शाखा खुलेको छ । बैंकले साइपाल गाउँपालिकाको धलौनमा शाखा खोलेको हो ।
हरेक स्थानीय तहमा शाखा विस्तार गर्ने राष्ट्र बैंकको निर्देशन अनुसार धलौनमा शाखा विस्तार गरेको बैंकले जनाएको छ ।
गाउँपालिकामा बैंकको शाखा विस्तार भएसँगै नागरिक स्तरमा बैंकिङ पहुँच पुग्नुका साथै सहज रुपमा आर्थिक कारोबार बैंकिङ प्रणालीबाट हुने विश्वास बैंकले गरेको छ । यसअघि साइपालका स्थानीहरु बैंकिङ कारोबार गर्नका लागि चैनपुर पुग्नुपर्ने बाध्यता थियो ।
हाल गाउँपालिकामै बैंकको शाखा खुलेपछि स्थानीयहरु पनि खुसी भएका छन् । अब दैनिक कारोबारमा सहयोग पुग्नुका साथै विगतमा बैंकिङ करोबार गर्न ३ दिन हिँडेर सदरमुकाम पुग्नुपर्ने बाध्यताको अन्त्य हुने भन्दै स्थानीयहरु हर्षित बनेका छन् ।
प्रतिक्रिया दिनुहोस्