धनगढी । राष्ट्रिय स्वतन्त्र पार्टीले स्वदेश फर्किनेका लागि नाकामा हेल्प डेस्क सञ्चालन गर्ने भएको छ ।
रास्वपाको सुदूरपश्चिम प्रदेश कमिटिले गौरिफन्टा नाकामा यही असोज १५ गतेदेखि हेल्प डेस्क सञ्चालन गर्ने भएको हो ।
रोजगारीका लागि भारतका विभिन्न शहरहरुमा पुगेकाहरु दशैँतिहार मान्न घर फर्कन थालेसँगै नाकामा नागरिक सहजताका लागि हेल्प डेस्क सञ्चालन गर्न लागेको रास्वपाको सुदूरपश्चिम प्रदेश महामन्त्री तथा प्रवक्ता सन्तोष जोशीले जानकारी दिएका छन् ।
जोशीका अनुसार नाकामा सञ्चालन हुने हेल्प डेस्कमार्फत स्वदेश फर्किने नागरिकलाई पानी वितरण गर्नुका साथै दशैँ तिहारको शुभकामना दिएर स्वागत गरिनेछ ।
प्रतिक्रिया दिनुहोस्