धनगढी । धनगढी उपमहानगरपालिकाका पूर्व नगरप्रमुख नृप बहादुर वडले धनगढी(१ स्थित विरेन्द्र ऐश्वर्य पार्कभित्र व्यवसायिक भवन निर्माण गर्न नहुने बताएका छन् ।
विरेन्द्र ऐश्वर्य पार्कभित्र व्यवसायिक संरचना निर्माण गरिनु हुँदैन भन्दै भइरहेको नागरिक खबरदारीमा ऐक्यवद्धता जनाउँदै वडले पनि पार्कभित्र व्यवसायिक संरचना निर्माण गर्न नहुने बताएका छन् ।
वडले पार्कभित्र निर्माण गर्ने भनिएको व्यवसायिक संरचनालाई स्थानान्तरण गरेर भए पनि विरेन्द्र ऐश्वर्य पार्कलाई सबै नगरबासीको सहज पहुँच र निःशुल्क प्रवेश पाउनेगरी प्राकृतिक पार्कको रुपमा विकास गर्नुपर्नेमा जोड दिएका छन् ।
साथै उनले विकासका परियोजनालाई रोक्न नहुने र रोक्ने पक्षमा आफू नभएको स्पष्ट पार्दै विकाससँगै प्राकृतिक सौन्दर्यता र परम्परागत संरचनाको संरक्षण गर्नुपर्ने बताएका छन् ।
प्रतिक्रिया दिनुहोस्