सुदूूरपश्चिम सरकारले आजकर संकलन गर्नअध्यादेश ल्याउने

धनगढी : कर संकलन गर्न सुदूरपश्चिम सरकारले आज अध्यादेश ल्याउने भएको छ । आर्थिक मामिला मन्त्रालयको प्रस्तावमा मन्त्रिपरिषदले ‘सुदूरपश्चिम सामयीक कर संकलन सम्बन्धी अध्यादेश २०८१’ ल्याउन लागेको हो ।

आर्थिक मामिला मन्त्रालयका सचिव झलकराम अधिकारीले अध्यादेश आज मन्त्रिपरिषदको बैठकमा पेश हुने बताए । तत्कालिन दीर्घ बहादुर सोडारी नेतृत्वको सरकार अल्पमतमा परेपछि असार १ गते संसदमा प्रस्तुत भएको बजेट पास हुन नसकेपछि साउन १ गते देखि सुदूरपश्चिम प्रदेशमा बजेट शुन्यताको अवस्था आएको छ ।

प्रदेश सरकारले ल्याउन लागेको अध्यादेशमा गत आर्थिक वर्षकै करका दरहरु राखिएका छन । यसपाली प्रस्तुत भएको बजेटमा यातायात करमा केही संसोधन गरिएको भएपनि, बजेट पास नभएकाले तत्कालका लागि अध्यादेशमा पुरानै करका दरहरु समावेश गरिएको आर्थिक मामिला मन्त्रालयका सचिव झलकराम अधिकारीले बताए । यसअघि बुधबार सुदुरपश्चिम प्रदेशसभाको बिषेश अधिवेशन अन्त्य गरिएको छ ।