सुदूरपश्चिम प्रदेश सभाको बैठक बुधबार बस्ने

धनगढी : सुदूरपश्चिम प्रदेश सभाको विशेष अधिवेशनको पाँचौ बैठक भोलि बस्ने भएकाे छ । विहान ११ बजे प्रदेश सभाको बैठक बस्ने प्रदेश सभा सचिवालयका सूचना अधिकारी युवराज जैसीले जानकारी दिनुभयो । 

साउन पहिलो साता प्रदेश प्रमुख नजिर मियाँले सभाको विशेष अधिवेशन आह्वान गर्नुभएको थियो । विशेष अधिवेशनमा अहिलेसम्म प्रदेशको समसामयिक विषयमा छलफल हुन सकेको छैन । दीर्घबहादुर सोडारी नेतृत्वको प्रदेश सरकारले बजेट पारित गराउन नसकेपछि चालु आर्थिक वर्षको सुरुवातदेखि यो प्रदेश बजेट शून्यताको अवस्थाबाट गुज्रिरहेको छ । 

नवनियुक्त मुख्यमन्त्री कमलबहादुर शाहले हिजो पद्भार ग्रहण गर्दै बजेट शून्यताको अवस्थाको अन्त्यका लागि प्रदेश सरकारले छिट्टै छलफल अगाडि बढाउने बताउनु भएको थियो।